ALmasry-ALmohager

رئيس التحرير : سامي حنا عازر

تأريخ اليوم

 

Editor in Chief: Sami H. Azer,  ESQ

E-Mail: judgesami@ca.rr.com

رقم العدد:  68                          09  فبراير/شباط 2013

 
 

February 9th   2013                             Issue Number: 68

 

                 جريدة أسبوعية الكترونية تصدر كل يوم سبت  من لوس انجلوس .... أول  جريدة  مصرية  اون  لاين  تغطي اخبار  المهاجر المصري وشقيقه في الوطن  ...بيت لكل مهاجر في اي بقعة من بقاع العالم .. رأى لكل المهاجرين  

 

تنويه: هذه الجريدة لخدمة الجالية المصرية .. وتتقبل هبات من أعضاء الجالية من وقت لآخر

  ALmohager

English

 

الصفحة الرئيسية

رسالة من المحرر

مقالات حرة

الكتــــــــــاب

الأدب

علـــوم

أخبار الجالية

رحلات وتاريخ

الارشيف
آراء وتعليقات
هدايا لخدمة الجالية
أتصل بنا
The Conciliator
الرجوع للعدد الحالي
 
 

كُتّاب

المصرى المهاجر

 

يعنى أننا فى دولة الإخوان ..!


اضغط هنا

أ/فاطمة ناعوت
 

رحيل جمال البنا... أخر أبناء أسرة مصرية معطاءة
 

اضغط هنا

د/سعدالدين ابراهيم
 

الراقص على سَعـدُه .. والباكى على نَحْسُـــه

اضغط هنا

أ/صلاح إدريس
 

النضال الكردي..ومسعود برزاني

اضغط هنا

أ/عبدالواحد محمد
 

عار تعرية المصريين أمام العالم


اضغط هنا

ا/جورج فخري
 

الديموقراطيا سبيلي!

 

اضغط هنا

د/أبراهيم نتّو
 

آفة الثائر


اضغط هنا

أ/أميرة عبد الرحمن
 

الفريق ضاحى خلفان .. اغتيال المبحوح

 

اضغط هنا

رئيس التحرير
 
 

مساحة أعلانية

 

ضع أعلانك هنا

 

 
 

الاستاذ/ صلاح إدريس

كاتب حر ورجل أعمال

salahedris@gmail.com

السيرة الذاتية..أضغط هنا

صلاح إدريس

 

خَبْــــــووا عِيـــالكُم ... الوزيـــر جالكُـــــــــم !! 
 

السبت، 20 أكتوبر/تشرين الأول 2012 

         أخونا وزير التنمية المَحلية أصدَر قرار من كام يوم، بأن مَحلات ،ومَقاهى ، ومَطاعم مصر ، تقفل الساعة عشرة مساءاً ..!!! والقرار يَتم تنفيذه من أول نوفمبر القادم !! ليه ياعَم الحاج ؟ قالك علشان نوفر فى الكهرباء !! يارَاجل ياطيب .. مش لما الحكومة توفر فى الكهرباء الأول !! يبقى بعد كده دَوّرُوا على الغلابة اللى بياكلوا عِيش .. دى لمبات القاهرة الكبرى والمحافظات كلها العمومية ، على الطرقات ، والكبارى منورة من بالليل لغاية تانى يوم الساعة 4 العصر .. ولا دى بتسحب أنفاس مش بتسحب كهرباء !!.. وبعدين فيه ناس كتير غلابة أصحاب وعاملين فى محلات ، ومطاعم وقهاوى ، بلدى وأفرنجى ، بتبدأ شغلها بالليل لغاية الصُبح .. حايعملوا إيه ؟ .. ومئات الآلاف اللى بيشتغلوا فى المحلات دى حاياكلوا منين ؟ والمَشرحة مش ناقصة قتلى ؟ وبعدين لما البلد كلها تقفل الساعة عشرة بالليل .. يبقى أنت كده بتوفر الأمان للناس ولا بتوفر الفرصَة للحرامية يشوفوا شُغلهم !!.. لأن البلد لما تبقى ضلمة كُحل يبقى البلطجية والحرامية وقتالين القُتلة يشُوفوا شُغلهم برَاحِتهم .. ولا عايز تِفهْمنى أن الداخلية شايفه شغلها كويس قوى.. والأمن والأمان مُستتب فى الشارع المصرى ..

قرار زى ده مش كان من المفروض تسأل أصحاب الرأى .. والغرفة التجارية ونقابات أصحاب المهن المُختلفة .. ولا خلاص ده أمر قراقوش ولازم يتنفذ بدون نقاش ... مش كان من الأفضل أنك ترجع للتاريخ ، وتشوف القرار ده صدر كام مرة فى عهد عبد الناصر، والسادات ، ومبارك .. وماتنفذش لصعوبته والخسائر اللى بتحصل بسببه .. ولا أنت فاكر نفسك فى عهد جديد ، وتقدر تجيب التايهة !!، وزى ما الأنظمة القديمة حاولت تجرب القرار ده فينا !! يبقى من حق النظام ده كمان يجرب !! ماأحنا قاعدين فى عشش فراخ ويحق لكل من هبّ ودبّ إنه يجرب فينا اللى عايز يجربه!!
عارف يامعالى الوزير الخسائر المتوقعة من القرار ده كام ؟ أقولك أنا يمكن أجهزة وزارتك ماحاسبيتهاش كويس .. الخسائر حاتكون 25 مليار جنيه !! وزغرتى ياللى مش غرمانة !!

المهم إن صاحبنا وزير التنمية المحلية لما لقى فيه بعض المُعارضة من أصحاب المحلات . قالك خلاص ياإخواننا اللى عايز يفتح مَحله ، أو مَطعمُه طول الليل يحوّل نشاطه لِسياحى .. بس خللى بالكم فى الحالة دى حاتدفعوا ضرايب أكتر .. وسِعر الكهرباء حايكون أغلى من غيركُم !! ياأخى أختشى على دَمك بَقى !! هى الحِكاية حِكاية فلوس ولا إيه ؟ يعنى أنتم ياحكومة ياللى قالبين دماغنا ليل ونهار عن محدودى الدخل .. والفقراء .. والأغانى الهابطة بتاعتكم دى !! كل همكم هو فلوس زيادة وخلاص .. يعنى اللى معاه فلوس يفتح .. واللى مامعاهوش يدفن نفسه فى الزفت والقطران ..

وسعادتك نسيت إن فيه محلات ، وقهاوى ، ومطاعم فى حوارى ضيقة شعبية .. وفى مناطق عمرك ماشفتها ولا عرفت مكانها .. وأوعى تفتكر أن هيبة الدولة عالية قوى ، والكل بيسمع الكلام .. وأن قهاوى ومطاعم نص البلد فى التوفيقية ،وقصر النيل والأوبرا ، وكورنيش الأسكندرية ، ومحطة الرمل ، وميادين المحافظات ، حاتقفل تنفيذاً لأوامرك ، وعلشان خاطر عُيونك الحلوة .. أنت كده ياباشا بتضُرّ بهيبة الدولة وبتمسح بيها الأرض .. عارف ليه ؟ لأن قرارك ده مش حايتنفذ .. ومافيش محل ، ولا قهوة واحدة لا فى نُص البلد .. ولا مَحل واحد فى حارة النِتن ، حاتقفل .. وبصراحة أنا عايز أشوف وشك والمحلات دى كلها فاتحة !! رَغم قرار سَعادتك .. ونفسى أتطلع فى سِحنة سَعادتك البَهية ، وهِيبة الدولة بيتمسح بيها البلاط ، والأسفلت فى مصر كلها بعدم تنفيذ قرار غبى حاولت حكومات كتيرة غبية برضة !!قبل مَعالِيك ، وقبل حكومتك ، تنفيذه وماقدروش.. وأنت بقى فاكر نفسك الشَمْلول اللى حاينفذ ... ويتسمع قراره فورا ، و كأن الشعب المصرى كله تحت قســـم ( الولاء والطاعة !! )

وياريت حضرتك تقوللى الرجالة حاتعمل أيه من الساعة عشرة بالليل ، لغاية الصُبح ؟؟ .. حاتُقعِد فى البيت طبعا علشان حاتخاف تمشى فى الشوارع الضلمة !!.. وياإما يبقى بوزة فى بوز مراته ساعات أكتر من اللازم !!.. وساعتها حايحصل حاجة من الأتنين.. ياإما يتخانقوا ، ويتشاكلوا ، ويتنسف الجزء اللى باقى من الأستقرار العائلى المنشود .. ياإما يكونوا سمن على عسل .. ومايلاقوش حاجة يعملوها غير إنهم يخلفولنا عيال أكتر !!.. وبعد ماالناس بدأت تفهم شوية تنظيم الأسرة بمزاجها ..
تيجى حضرتك وبمزاجك العِكِرّ ، وتشقلبلهم الحكاية .. وكأن الـ 85 مليون كلهم لاقيين ياكلوا .. والأكل زاد وفاض ومش لاقيين اللى ياكله !!علشان كده عايزين نزودهم شوية.. ولا شويتين !!

وبلاش أتكلم على زميلك الشملول التانى وزير التربية والتعليم اللى قرر أن الضرب فى المدارس مسموح طالما مش ضرب مُبرح أو مابيوجعش .. هو فيه ضرب مابيوجعش ؟ أمال بتضرب ليه ياأستاذ ؟ .. وعلى طول واحدة من المدرسات المنقبات قامت
بقص شعر تلميذتين صغيرتين بحجة أنهن مش محجبتان !!.. يبقى الحكاية مش ضرب بس .. لكن ضرب وقص ولزق .. وحاجات تانية الله وأنتم أعلم بها !!.. والله ماأنا عارف أنتم موديينا على فين ؟؟ شكلكم كده حاتكونوا الشعرة اللى حاتقصم ظهر البعير .. وعلى إيديكم ستُقال وزارة قنديل لأنه قنديل مطّفى وبهتان .. وبصراحة دى أسوأ وأجهل وزارة شافها المصريين .. وطالما فيها وزراء زيكم .. وقنديلكم باهت ودبلان .. ومش محصل شمعة فى آخر أنفاسها !!يبقى وزارة المطفى دى عَدَمْها أحسن ..
جَاتكُم القرَف .. مَليتُم البَلد !!



صـــلاح إدريـــــــــس
salahedris@gmail.com

مدون بالبلــدى الفصيـــــح
تشريفكم لمدونتى يسعدنى .. ويمتعّكم ، وقد يفيدكم
http://plackprince.blogspot.com/

 

 

 

 

 

 

 

  الرجوع إلى الصفحة الرئيسية

ALmohager_ALyoum

 

ان اردت أن تكون قويا استعمل..

http://superfitnessxl.com

 
 
 
 
 
 

لكل طلباتكم العقارية اتصلوا ب هانى عازر

Call (310) 507-4077

 

 
 
 
 
 
 
 

بيروت تايمز

 

اخبار لبنان

والجالية العربية

فى

www.beiruttimes.com

 

مساحة أعلانية

 

ضع أعلانك هنا

 

 

 

 

Copyright  2009 Almohager ALmasry. All rights reserved.

Site Designed by Media Center