ALmasry-ALmohager

رئيس التحرير : سامي حنا عازر

تأريخ اليوم

 

Editor in Chief: Sami H. Azer,  ESQ

E-Mail: judgesami@ca.rr.com

رقم العدد:  68                          09  فبراير/شباط 2013

 
 

February 9th   2013                             Issue Number: 68

 

                 جريدة أسبوعية الكترونية تصدر كل يوم سبت  من لوس انجلوس .... أول  جريدة  مصرية  اون  لاين  تغطي اخبار  المهاجر المصري وشقيقه في الوطن  ...بيت لكل مهاجر في اي بقعة من بقاع العالم .. رأى لكل المهاجرين  

 

تنويه: هذه الجريدة لخدمة الجالية المصرية .. وتتقبل هبات من أعضاء الجالية من وقت لآخر

  ALmohager

English

 

الصفحة الرئيسية

رسالة من المحرر

مقالات حرة

الكتــــــــــاب

الأدب

علـــوم

أخبار الجالية

رحلات وتاريخ

الارشيف
آراء وتعليقات
هدايا لخدمة الجالية
أتصل بنا
The Conciliator
الرجوع للعدد الحالي
 
 

كُتّاب

المصرى المهاجر

 

يعنى أننا فى دولة الإخوان ..!


اضغط هنا

أ/فاطمة ناعوت
 

رحيل جمال البنا... أخر أبناء أسرة مصرية معطاءة
 

اضغط هنا

د/سعدالدين ابراهيم
 

الراقص على سَعـدُه .. والباكى على نَحْسُـــه

اضغط هنا

أ/صلاح إدريس
 

النضال الكردي..ومسعود برزاني

اضغط هنا

أ/عبدالواحد محمد
 

عار تعرية المصريين أمام العالم


اضغط هنا

ا/جورج فخري
 

الديموقراطيا سبيلي!

 

اضغط هنا

د/أبراهيم نتّو
 

آفة الثائر


اضغط هنا

أ/أميرة عبد الرحمن
 

الفريق ضاحى خلفان .. اغتيال المبحوح

 

اضغط هنا

رئيس التحرير
 
 

مساحة أعلانية

 

ضع أعلانك هنا

 

 
 

الاستاذ/ صلاح إدريس

كاتب حر ورجل أعمال

salahedris@gmail.com

السيرة الذاتية..أضغط هنا

 

مُرسِيَّـــــــــــــات 
 

السبت ، 25 أغسطس/آب 2012 

    
* قررت بينى وبين نفسى منذ تولى مُرسى الرئاسة .. ألا أنقُده ، أو أعارضه .. لمدة 100 يوم .. ــ عَملاً بالعُرف السائد ـــ والكلام اللى حاأقوله هو مُجَرد جرس إنذار .. أو ضوء أصفر قبل الخطأ .. أو كشاف نور على حِتة ضلمة ، يمكن تكون مش باينة !!
*****
* الأيام الحلوة بتعدى بسرعة .. شهر رمضان أنتهى فى خطفة عين .. وأنتهت معاه الصوفية ، والإعتكاف ، والجو الرَوحانى الجميل ... ودخلنا ــ والعياذ بالله ــ مرة تانية وبمزاجنا إلى دُنيا السياسة ، والخِداع ، والنفاق ، ورجال بكل وِش ولون ... دُنيا تانية خالص غير اللى كنا عايشينها فى رمضان الكريم ..
إستعنا على الشَقَا بالله .
*****
* الباعة الجائلين زادوا ، وتفرقوا ، ومَلوا علينا الدنيا فرحة وسرور !!
*****
* المُخدرات كترت وتنوعت ، والأهَم أنها رِخصِت والحمدلله !!
*****
* البَلطجَة بَقت مِهنة مُحترمة يتطلع اليها الشباب .. علشان فلوسها حلوة ، ومُستقبلها مضمون !!
*****
* الزبالة ، والقاذورات ، والروائح العَفنة .. غطت شوارع مصر .. ياللا خللى الحيوانات والحشرات تاكل وتتغذى !!
*****
* أوعى حد يصدق إن قطع الكهرباء المُستمر ناتج عن نقص فى السُولار أو المُحولات أو غيره .. أبداً ..أبداً .. لكن دِى نظرة رشيدة ، ووَاعِيَة من الدولة ، فقطع التيار الكهربائى مَعناه مافيش تليفزيون ، ولا كمبيوتر، ولا أكل ، ولا شرب ومايفضلش غير التواصل الأسرى .. وتلاقى نفسك بتتونِس ــ على غير العَادة ــ مع أفراد أسرتك .. لِدرجة إنك حاتستغرب أصواتهم فى الضلمَة .. لأنك من مُدة طوييييييلة ماسمِعتهُمش !!
*****
* الحمدلله على كل شىء .. كنا فى مجال السياحة من سَنتين تقريبا بنشحَت من السُياح الأجانب القليلين اللى كانوا بيعَبَّرونا !! .. وبعد أحداث سيناء بقينا نشحت من بعض .. وقريباً جداً كلنا مش حانلاقى ناكل !!
*****
* واضح جداً جداً من قراءات الصحف ، ومُتابعة الفضائيات ، وقِراءَة مابين السُطور ، والإستِطلاع من مَصادر مُختلفة
أن مايَحدُث فى سِيناء أكبر بكتير قوى قوى مما يُنشر رَسمِيَّاًًَّ !!
*****
* بقالنا مُدة ماسِمعناش عن مُوت مُبَارك .. خايف أحسَن يكون عَيان !!
*****
* على فِكرة .. شُهداء الثورة فى مَكان وحَال أحسن مِننا بكتير جداً والحمدلله .. هُمَه صَحِيح زعلانِين شويَّة وقلقانين على اللى ضحّوا بدَمُهم عَلشانُه .. بس ناس كِتيره قوى وأنا مِنهُم .. بنطمِنهُم .. وبنقولهُم .. أوعوا تزعلوا .. وأوعَوا يدخل قلوبكم لحظة شك وَاحدة ، فى إن مصر ممكن تنسى دَم وِلادهَا اللى أرتوت بيه أرضها .
*****
* قرية ( صنصفت ) بالمنوفية من غير مَيَّه .. لأنهم بَقالهُم 3 سنين بيشربوا مَيَه غير صَالحة ، ولما زاد التلوث ، وزادت مَعاه حالات المَرض والتسمم بصورة غير طبيعية أنتبهت الدولـــــــة ودلوقت بيدَورُوا على طريقة لتوفير المياه النظيفة لأهل القرية .. ولغاية دَه مايحصَل مافِيش أمامهم غير أنهم يشربوا من عَرقهم لِغاية ماينشف .. ولو عايزين يستحموا يبقوا يتيممُوا !! مافيهاش حاجة يعنى !!
*****
* مُرسى أول ماأستلم الحُكم صمم على البقاء فى منزله القديم .. وأكتفى بموكب بسيط .. وحراسة قليلة .. وكسب وقتها تعاطف أغلب المصريين .. ولكن زبانية جَهنم .. والمُنافقين .. وصُنَّاع الفراعِين أستطاعوا تحويله تماماً .. فقد بدأ الحديث فى الرئاسة عن قرب إنتقال الرئيس وأسرته لأحد قصور الرئاسة ــ وهو حق لاننكره عليه ، ولكننا ننكر رِجُوعَه فى القول ـــ وأصبح مَوكبُه يُقارب مَوكِب مُبارك من الحاشية والحرس .. وأصبح الحرس أكثر من حرس مُبارك ، حتى أنهم يحتلون المآذن وأسطح المنازل فى المنطقة التى سيُصلى فيها الرئيس بكاملها .. ويُشكلون حاجزاً
بشرياً خلف وأمام الرئيس أثناء الصلاة .. وهذا شىء طبيعى لأنه مَعلوم للجميع أن فريق الرئاسة الذى كان يخدم مُبارك بقيادة زكريا عزمى .. .. ـــ والحقيقة أن مبار ك هو الذى كان يخدمهم ـــ هو نفس الطاقم الذى يخدم مُرسى بقيادة مُساعدى زكريا عزمى .. وتخيلت أننا سألنا الرئيس ليه تركتهم فى مَناصبهم ؟.. فقال : قطع العيش حَرام ياجماعة الخِير !!
*****
* صُحفيين كتير .. وإعلاميين كتير .. وموظفين .. ومسئولين .. وبَعض القوى التى تسَمِى نفسها ثورية .. وشرائح كتيرة من الناس بتدافع عن الإخوان .. وتتبنى وجهة نظر الإخوان .. وتشتم ، وتلعن أبو اللى بيهاجم الإخوان .. وهم مِلوك أكتر من المَلك .. والغريبة ياأخى إنهم بيعملوا كل دَه وهمَ بيكرَهُوا الإخوان كُره العَمَا .. ولايؤمنوا أو يُصَدِقوا أى كلمة بيقولها إخوانى .. هُمَّه دُول بَقى اللى بنسَمِّيهُم مِيليشيات الإخوان .. لأنهم مُرتزقة بيقبضوا تمن ولائِهم وتعاطفِهم وقتل ضمِيرهم ومبادِئهم !!
*****
* الهُجوم المُستمر على المُستشفيات .. مما جعل الذهاب للعلاج وكأنك رَايح لمُوتك برجليك .. والحَالة دِى جعلت كثير من المَرضى يذهبوا لحلاق الصِحة بتاع زمان .. ودى أول خطوة لعصور الظلام والبقية تأتى !!
*****
* عندما طلب الجنزورى 2 مِليار دولار قرض من الصُندوق الدَولى .. الإخوان هَاجوا ، ومَاجُوا .. وإنتقدوا .. وعَارضوا .. وبَهدلوا الراجل لمَّا قطعُوا نَفَسُه ــ اللى مَقطوع خِلقه ــ والنهاردَه مِصر قدَمت رَسمياً طلبا لقرض بـ 4.8 مليار جنيه وتمت المُوافقه عليه .. وأوعَى حَد فيكُم يكون سَىء النيه ويقول أشمعنى ؟! ..
فكل الحكاية إن قرض الجنزورى كان حايبقى رِبا .. لكن القرض ده إسلامى !!
*****
* ثورة تااااايهة ياولاد الحلال !! .. ممكن تكون تاهت ! أو أتسرقت ! أو أتخطفت !! واللى يلاقيها له الأجر والثواب .. لكن مايطلبش مكافآت مادية .. لأن الثورة ضاعت بسببها !!!
*****
* ترقبوا فى الكام شهر الجايين .. ظهور شركات عملاقة جديدة فى السوق المصرى .. وكمان صدور جرايد كتيرة جديدة .. وقنوات فضائية جديدة .. وصحفيين وإعلاميين حايغيروا جلدهم علشان يبقى جديد .. وكل ده برعاية وتمويل كامل من الأخوان !!
*****
* موضة جديدة بين أصدقائى ــ ويمكن أصدقائكم أنتم كمان ــ وهى تركيب كاميرات صوت وصورة ، خارج منازلهم ، وداخل الغرف ، والصالات .. ولما أستغربت ده !! بعضهم قال : علشان الحرامية والبلطجية .. وبعضهم قال : للتعاملات مع الغــــــــــــير، ومعرفة نقاط ضعفهم !! وبعضهم قال : لكشف الضيوف والأقارب من المنافقين ، واصحاب المصالح ، وفضحهم صوت وصورة !! وطبعا أنا مش مصدق ولا واحد فيهم .. والسبب الحقيقى فى النيات والله أعلم بها .. لكنى أعتقد أن ماتعيشه مصر من الشك ، والريبة ، والخوف ، والقلق ، وتخوين أقرب الناس إليك .. والإيمان بنظرية المؤامرة .. كل ده أنتقل لأصحابنا .. ويارب أقدر أحافظ على شوية العقل اللى فاضليين علشان ماأعملش زيهم !!
*****
* نِفسى ، وأملى يطلع ولد دَكر من الإخوان المُسلمين ، ويكون رَاضع من صَدر أمُه بحَق .. ويقول ويعَدِد أخطاء الإخوان فى السَنتين اللى فاتوا .. ويعترف بالأخطاء دى .. ومن غير مايَعللها أو يبَررها ... . لكن يعترف بس بالأخطاء .. وبلاش مُعاندة .. ومُكابرة .. وتسخِيف للآخرين .. والكَيل بمِكيالين ..
فالإعتراف بالخطأ فضيلة وليس رزيلة .. واحِد بس .. واحِد بس ياخلق هوووووووه !!.. ياترى رَبنا حايطوَّل فى عُمرى لغاية
ماأشوف الدَكَّر دَه أو حتى أحفادى وأنا رَاضى !!
*****
* لو رَاقبت مايحدُث الآن لوَجدت أن كل الإعتصامات والمُظاهرات هى إخوانية .. ولأهداف إخوانية .. فهى حَلال .. حَلال .. ولكن مُظاهرات 24 أغسطس هى كافرة .. مُغرضة .. هَدفها تدمير البَلد .. وتمويلها خارجى .. وداخلى من الطرف التالت ــ الله يخرب بيته ــ ولابد أن تكون مُنظمة .. وبتصاريح تُحَدد عددها وخط سِيرها .. وأسماء مُنظميها ،وأسماء المُشاركين فيها ، وكم مُحَجبة ، وكم سَافِرة وكم مُلتحِى .. ولازم كوتشى أخضر ، وجينز أزرق .. وماهى أطوَال المُتظاهرين ، وعَرضُهم ، ولون عيونهم ، ووظائِفهُم ، وكمّ الفلوس اللى مَعاهُم ، وبيحِبُوا فتة اللحَم .. . ولا الكبسَة السعودية ..ولا بيفضلوا الوجبات السريعة الكافرة !! كل دِى بيانات مَطلوبة للإشتراك فى أى مظاهرات غير إخوانية .. ومش بس كده لكن طلع علينا صفوت حجازى ، وأبن الرئيس مرسى .. يهددون بأن شباب الأخوان قادر على إنهاء هذه المظاهرات فى ثوانى !!.. وكأنها معركة الرِدة فى صدر الإسلام ، واللى زود الطين بَلّة شريط الفيديو اللى أنتشر على النت للشيخ هاشم إسلام ـ عضو لجنة الفتاوى بالأزهر الشريف ــ خرج علينا فضيلته فى النادى الدبلوماسى ليقول ويفتى بالفَمّ المليان وتأكيدا لحرب الردة .. ((مظاهرات 24 أغسطس ضد الشرع . وضد الدين ، والهدف منها الفوضى ، وتدمير البلاد .. وعليكم أن تقاتلوهم كمــــــــاا يقاتلونكم )).. وكأنه عارف ومتأكد أن متظاهرى 24 أغسطس مدججين بالأسلحة ، والمعدات ، وفيلة الفُرس . أرحمونا بقى يامشايخ الفضائيات .. زهقنا منكم .. وناس كتير ــ ضعيفة الإيمان والمعرفة ــ قد يخرجون عن الإسلام بسببكم ( والعياذ بالله ) .. وحسبى الله ونِعم الوكيل فيكم ..
**********
* المقالة دى أتكتبت ، وأتبعتت يوم الخميس 23 أغسطس .. علشان تلحق الجريدة يوم السبت 25 أغسطس .. يعنى بعد مظاهرات الجمعة 24 أغسطس .. وماينفعش إنى أحذر من أى شىء قد يحدث بالمظاهرات .. لكن مافيش أمامى غير الدعاء لله سبحانه وتعالى ألا يتم الهجوم .. والأفتراء على المتظاهرين فى جمعة 24 أغسطس .. وأستغلال الدين .. وأتهام المسيحيين بأنهم المحرضين عليها .. وأنهم أعضائها .. أو علشان فلان أو علان ..لأ ياأخوانا المظاهرة دى كلها مصريين .. حاسّين أن مصر فى خطر .. وأن الحريات بتتسحب .. والكمامات بتتجهز لتكميم الأفواه .. والعصاية فى الإيد اليمين .. والجزرة فى الإيد الشمال ، لصناعة المنافقين اللى بيجروا وراء أى عضمة .. المصريين نازلين يوم 24 أغسطس علشان يقولوا أحنا موجودين .. ومش خايفين .. لأننا خلاص كسرنا كل حواجز الخوف .. وأن الثورة مستمرة .. وأننا حانعارض ، ونتظاهر كل ماشفنا غلط .. وخروج عن خط الثورة وأهدافها .. وكلنا لسه رافعين راسنا .. ورافعين شعار
( عيش .. حرية .. عدالة إجتماعية )
 


صـــلاح إدريـــــــــس
salahedris@gmail.com

مدون بالبلــدى الفصيـــــح
تشريفكم لمدونتى يسعدنى .. ويمتعّكم ، وقد يفيدكم
http://plackprince.blogspot.com/

 

 

 

 

 

 

 

  الرجوع إلى الصفحة الرئيسية

ALmohager_ALyoum

 

ان اردت أن تكون قويا استعمل..

http://superfitnessxl.com

 
 
 
 
 
 

لكل طلباتكم العقارية اتصلوا ب هانى عازر

Call (310) 507-4077

 

 
 
 
 
 
 
 

بيروت تايمز

 

اخبار لبنان

والجالية العربية

فى

www.beiruttimes.com

 

مساحة أعلانية

 

ضع أعلانك هنا

 

 

 

 

Copyright  2009 Almohager ALmasry. All rights reserved.

Site Designed by Media Center