ALmasry-ALmohager

رئيس التحرير : سامي حنا عازر

تأريخ اليوم

 

Editor in Chief: Sami H. Azer,  ESQ

E-Mail: judgesami@ca.rr.com

رقم العدد:  68                          09  فبراير/شباط 2013

 
 

February 9th   2013                             Issue Number: 68

 

                 جريدة أسبوعية الكترونية تصدر كل يوم سبت  من لوس انجلوس .... أول  جريدة  مصرية  اون  لاين  تغطي اخبار  المهاجر المصري وشقيقه في الوطن  ...بيت لكل مهاجر في اي بقعة من بقاع العالم .. رأى لكل المهاجرين  

 

تنويه: هذه الجريدة لخدمة الجالية المصرية .. وتتقبل هبات من أعضاء الجالية من وقت لآخر

  ALmohager

English

 

الصفحة الرئيسية

رسالة من المحرر

مقالات حرة

الكتــــــــــاب

الأدب

علـــوم

أخبار الجالية

رحلات وتاريخ

الارشيف
آراء وتعليقات
هدايا لخدمة الجالية
أتصل بنا
The Conciliator
الرجوع للعدد الحالي
 
 

كُتّاب

المصرى المهاجر

 

يعنى أننا فى دولة الإخوان ..!


اضغط هنا

أ/فاطمة ناعوت
 

رحيل جمال البنا... أخر أبناء أسرة مصرية معطاءة
 

اضغط هنا

د/سعدالدين ابراهيم
 

الراقص على سَعـدُه .. والباكى على نَحْسُـــه

اضغط هنا

أ/صلاح إدريس
 

النضال الكردي..ومسعود برزاني

اضغط هنا

أ/عبدالواحد محمد
 

عار تعرية المصريين أمام العالم


اضغط هنا

ا/جورج فخري
 

الديموقراطيا سبيلي!

 

اضغط هنا

د/أبراهيم نتّو
 

آفة الثائر


اضغط هنا

أ/أميرة عبد الرحمن
 

الفريق ضاحى خلفان .. اغتيال المبحوح

 

اضغط هنا

رئيس التحرير
 
 

مساحة أعلانية

 

ضع أعلانك هنا

 

 
 

الاستاذ/ صلاح إدريس

كاتب حر ورجل أعمال

salahedris@gmail.com

السيرة الذاتية..أضغط هنا

 

تخاريف بالبـــلدى الفصــــيح

 

السبت ، 07 يوليو/تموز 2012 

    

             * بما أن النادى الأجتماعى الشهير بمجلس الشورى مافيش حاجة يعملها غير التحكم فى الصحف القومية .. فقد قرر تعيين رؤساء التحرير بمعرفته .. وفكرونى بالراجل التركى اللى فقد قوته وسيطرته ، فأشترى شوية قُللّ وملأها بالماء ، ورصها أمامه ، وكل ماواحد ييجى يشرب يقوله لأ .. ماتشربش من القُلّة دى ..وأشرب من القُلّة دى ، وكل هدفه إثبات سيطرته المعدومة .. وأنا مش متخيل أن رئيس تحرير بقامته، وقيمته ، وتاريخه الصحفى ( المُفترض ) .. يحط ملفه الشخصى وسيرته الذاتيه تحت باطه ، ويقدمه لمجلس الشورى علشان يختاروه رئيسا للتحرير .. إذا كانوا همه نفسهم مش عارفينه !! ونَكِره بالنسبة لهم !! فإزاى يقبل يتقدم لهم بأوراق ترشيحه كأنه بيقدم على وظيفة فى المجارى .. وأزاى صحفى نَكِره زى ده حايكون رئيس تحرير جريدة قومية .. حتى لو كانت مجلة ميكى !!


** الربيع السودانى بدأ يزُهر .. وموسم الخريف السودانى بأمطاره الموسمية قادم ليروى الأزهار ، ويزيدها توهجا .. وبالمرة تغسل الأمطار قذارة الحكم من الفساد والظلم والقهر ... و الساقيَهْ لسّه مدوِّرَهْ .. وسيصبح الصبح فلا السجن ..ولا السجان باق .


*** الربيع السورى طَوٍل قوى .. وشكله حايطوٍل أكتر .. فإذا كانت فصائل المعارضة السورية المختلفة .. أختلفوا بالرأى ، وتطور الخلاف لضرب بالأيدىن ، والشلاليط ، والكراسى فى أجتماعهم بالقاهرة .. وإذا كان هذا هو حال المعارضة فى منتصف الثورة وقبل إكمالها .. فياريت تقولولى أيه اللى حايحصل بعد نجاح الثورة ( إن نجحت ) .. ستتحول سوريا إلى بحر من الدماء بين ( الجيش الحر الأسلامى ، و جيش الكتائب ، وجيش الأنقاذ .. وغيرهم من الفصائل المسلحة ) هذه الفصائل لايجمعها إلا هدف واحد ، هو المصلحة الشخصية ، والحزبية .. لكن سوريا الوطن مش فى دماغ أى فصيل منهم .. واللى حصل فى العراق بعد صدام حسين .. حايحصل فى سوريا بعد بشار الأسد .. وفى رأيى الشخصى أن الدول التى تتكون من أعراق متعددة ، وديانات ، ومذاهب ، وطوائف مختلفة ، لايمكن حُكمها إلا بيدٍ من حديد .. و العراق مَثَل واضح شفناه .. وسوريا مثل جديد حانشوفه قريب جدا !!

**** أتعجب من تأجيل الحكم على طعن اللجنة التأسيسية للدستور إلى 4 سبتمبر .. واللجنة دلوقت شغالة بإيديها وسنانها علشان تخلص مشروع القانون قبل الحكم .. يبقى أحنا هنا بنساعد ونحفز على سلق الدستور .. وبعدين لو فرضنا أن الحُكم صدر ببطلان اللجنة .. يبقى أيه الوضع ساعتها ؟.. هل ياترى حانلغى اللجنة بكل المجهود ، والفلوس اللى أتصرفت ، والقرارات ، والتوصيات اللى صدرت قبل بطلانها ؟ .. ولا حانقول خلاص بقى ياأخواننا طالما اللجنة خلّصتْ الدستور نوافق عليه بقى ونِخلص !! .. واللى حصل حصل !! .. ومابقيتش عارف أحنا بنعمل دستور لتنظيم الدولة، ووضع أساسها المتين لأجيال قادمة .. ولا أحنا بنحضّر عفاريت وده دستور ياأسيادنا !!!


***** السماح بتربية اللحية لضباط الشرطة هو فتنة طائفية .. لأننا وقتها مش حانقدر نمنع الضباط المسحيين من تعليق الصليب على بدلاتهم العسكرية ..


****** بعض المواطنين حاولت النطّ من على سور القصر الجمهورى لمقابلة الرئيس مرسى ( سكتنا له دخل بحماره ) .. وأفتكرت ساعتها مبارك لما كان بييجى شرم الشيخ .. يتم قبلها بعشرة أيام القبض على كل عمال اليومية وإيداعهم تخشيبات أقسام الشرطة .. أو ترحيلهم من مدن جنوب سيناء الثمانية كلها ( مش شرم الشيخ بس ) .. بحجة الأجراءات الأمنية .. صحيح مرسى قال بابى مفتوح للجميع .. لكن مش معنى كده أن الشعب المصرى كله ينام قدام القصر بدءا من اصحاب المطالب الفئوية وصولا للى عايزة تنخلع من جوزها !!.. واللى بتشتكى جارتها علشان دَلَقِتْ ميه وسخة على غسيلها !!


******* الرئيس مرسى وعد بتعيين نائب قبطى ونائبة أمرأة .. والشيخ ياسر برهامى السلفى ، والجماعات السلفية كلها ترفض ذلك شكلا وموضوعا .. وتقول مش حايحصل .. طيب نصدق مين ؟ ونكّذب مين ؟ .


******** الجماعة التى تدعى الأمر بالمعروف والنهى عن المنكر ، والجماعة التى تدعى التكفير والهجرة .. هى أعمال فردية من بعض الجهلاء .. وقد تكون حملات منظمة لضرب الجماعات الأسلامية فى مقتل .. علشان كده على الأسلاميين بكل طوائفهم المنظمة جيدا ضرورة الدفاع عن أنفسهم ، بقيامهم بالقبض على هؤلاء ، وتسليمهم للسلطات ، وفضحهم والتبرأ منهم .. وإلا فإن تشويه صورتهم ، وصورة الأسلام ستشتد ، وتتعالى داخليا وخارجيا مما يُنذر بكارثة ندعو الله أن ينجينا منها .


********* وزير الصحة أصدر قرارا بتحرير سعر الأدوية وفقا للأسعار العالمية !! والهدف معروف طبعا هو أن غلاء أسعار الدواء ستتسبب فى وفاة ملايين المرضى الفقراء .. ولأن الفقراء يدخلون الجنة !! يبقى نعطيهم الفرصة ليستمتعوا بالجنة .. وأحنا هنا نستمتع بالدنيا بعد مانخفف شوية من الزحمة وزيادة السكان !!


********** فاكرين سى السيد قراره بتاع مجالس الشعب قبل الثورة .. مش عارف ليه حاسس أنه راجع بالسلامه .. سواء رجع مجلس الشعب الحالى .. أو تم أنتخاب مجلس شعب جديد .. فاللجنة التأسيسية للدستور بيبحثوا عن بنود فى الدستور تجعل مجلس الشعب هو سى السيد قراره وماحدش يقول بِمّ فى وجوده ... وعلينا كلنا ومعانا أجهزة الدولة المختلفة .. نحُط رجليه فى مية ساخنة وملح وندعكها بحَنيّه !! وسلامتك ياسى السيد .. إنشاءالله أحنا ياأخويا !!!!


********** حزب التحرير الأسلامى وأميرالجماعة أو الحزب .. وأمير المؤمنين والخليفة القادم هو الشيخ / عطاء بن خليل أبوالرشتة .. وهو فلسطينى الأصل من مدينة الخليل ، وحاصل على الجنسية الأردنية .. والحزب يسعى منذ تأسيسه فى عام 1952 إلى تأسيس الخلافة الأسلامية فى العالم ..ويعقد الحزب مؤتمرا بالقاهرة يوم السبت 7 يوليو ـ يوم صدور الجريدة بأسم ( مؤتمر الخلافة الأسلامية ) .. ويناقش المؤتمر وجوب البدء فى الخلافة الأسلامية الآن .. وقد كان المفترض عقد المؤتمر فى نقابة الصحفيين حسب العقد بيين النقابة وحزب التحرير منذ أكثر من شهر .. لكن أعضاء النقابة ثاروا ورفضوا .. وأحتمال عقد المؤتمر فى مركز أبن خلدون أو أى فندق بالقاهرة .. ولكن أطمئنوا المؤتمر سينعقد يعنى سينعقد لأننا فى هذا التوقيت تحديدا فى أشد الحاجة لإعلان الخلافة الإسلامية .. وعاصمتها القدس الشريفة .. وبركاتك يامولانا صفوت حجازى !!


************ ( اللهم أكفنى شر أصدقائى أما أعدائى فأنا كفيل بهم ).. عبارة يرددها محمد مرسى ــ ياولداه ــ ليلا ونهارا منذ توليه الحكم .. وهو يرى التجاوزات بالقول ، والفعل ، والتصريحات الهوجاء ، والتحدث بأسمه دون علمه ، أو موافقته ، وتصرفات غبية من جهلاء ينسبون أنفسهم على الأسلاميين والرئيس .. وكلما زادت شعبية الرئيس عشر قراريط فى اليوم .. يقوم أصدقاء الرئيس وجماعته بإنزالها مائة قيراط ... ربنا ينزل لهم البواسير .. ويسيبوا الراجل يشتغل براحته .. ووقتها الشعب كله حايكون حوله ومن خلفه ... أما اللى حاينزل لهم البواسير ، مايقلقش عليهم أو منهم .. فعلاجهم عندنا أنشاءالله .. حانحط لهم كمية كبيرة من الشطة السودانى الأصلية فى المية السُخنة اللى حايقعدوا فيها !!

************* سمعت عن تأسيس حزب ( الأخوان المسيحيين ) .. فقررت أشوف صفحتهم على الفيسبك ، وأشوف بيقولوا أيه علشان أكتب عنهم ، وأنا عارف آراؤهم وأفكارهم .. تعرفوا لقيت أيه ؟ لقيت 63 صفحة ومجموعة وحزب بأسم الأخوان المسيحيين .. آى والله 63 .. وعدد 7 بأسم ( الأخوان المسيبحيون ) (بالواو) يعنى الأجمالى عدد 70 صفحة على الفيسبك بس .. ... أما سؤالكم ليه بأقول لكم الحكاية دى ؟ بصراحه مش عارف !!


************ فاكرين لعبة التلات ورقات .. واحد نصاب حاطط ترابيزة صغيرة فى الشارع ، ومعاه أتنين من أعوانه واحد عامل نفسه بيلعب ويكسب .. والتانى عينه على العسكرى .. وياللا ياأفندى .. ياللا يابيه .. تحط قرش تاخد خمسة .. تحط جنيه تكسب خمسة .. فين الصورة ؟.. فين الصورة ؟ .. تقوم أنت تحط قرش .. برافو ياافندى تكسب 5 قروش .. ياللا يارجاله فين الصورة ؟ .. فين الصورة ؟ تقوم أنت وأتنين كمان زيك كل واحد فيكم يحط جنيه على كارت من التلاتة ! .. تخسروا ياأفنديه مافيش ولا صورة فى التلات ورقات !! .. السؤال بقى : مين النصاب صاحب الترابيزة ؟ ومين اللى بيعاونه ؟ ومين الزباين الكورَدّيات اللى مش لاقيين الصورة ولسه بيلعبوا ؟ مع أنهم عارفين إن مافيش صورة أصلا !! لو جاوبت صح أتصل بــ 0900 .. وحاتكسب عربية مرسيدس موديل 2013 كاملة الكماليات .. وآدى دقنى لو حد فيكم كسب !!
 


صـــلاح إدريـــــــــس
salahedris@gmail.com

مدون بالبلــدى الفصيـــــح
تشريفكم لمدونتى يسعدنى .. ويمتعّكم ، وقد يفيدكم
http://plackprince.blogspot.com/

 

 

 

 

 

 

 

  الرجوع إلى الصفحة الرئيسية

ALmohager_ALyoum

 

ان اردت أن تكون قويا استعمل..

http://superfitnessxl.com

 
 
 
 
 
 

لكل طلباتكم العقارية اتصلوا ب هانى عازر

Call (310) 507-4077

 

 
 
 
 
 
 
 

بيروت تايمز

 

اخبار لبنان

والجالية العربية

فى

www.beiruttimes.com

 

مساحة أعلانية

 

ضع أعلانك هنا

 

 

 

 

Copyright  2009 Almohager ALmasry. All rights reserved.

Site Designed by Media Center