ALmasry-ALmohager

رئيس التحرير : سامي حنا عازر

تأريخ اليوم

 

Editor in Chief: Sami H. Azer,  ESQ

E-Mail: judgesami@ca.rr.com

رقم العدد:  68                          09  فبراير/شباط 2013

 
 

February 9th   2013                             Issue Number: 68

 

                 جريدة أسبوعية الكترونية تصدر كل يوم سبت  من لوس انجلوس .... أول  جريدة  مصرية  اون  لاين  تغطي اخبار  المهاجر المصري وشقيقه في الوطن  ...بيت لكل مهاجر في اي بقعة من بقاع العالم .. رأى لكل المهاجرين  

 

تنويه: هذه الجريدة لخدمة الجالية المصرية .. وتتقبل هبات من أعضاء الجالية من وقت لآخر

  ALmohager

English

 

الصفحة الرئيسية

رسالة من المحرر

مقالات حرة

الكتــــــــــاب

الأدب

علـــوم

أخبار الجالية

رحلات وتاريخ

الارشيف
آراء وتعليقات
هدايا لخدمة الجالية
أتصل بنا
The Conciliator
الرجوع للعدد الحالي
 
 

كُتّاب

المصرى المهاجر

 

يعنى أننا فى دولة الإخوان ..!


اضغط هنا

أ/فاطمة ناعوت
 

رحيل جمال البنا... أخر أبناء أسرة مصرية معطاءة
 

اضغط هنا

د/سعدالدين ابراهيم
 

الراقص على سَعـدُه .. والباكى على نَحْسُـــه

اضغط هنا

أ/صلاح إدريس
 

النضال الكردي..ومسعود برزاني

اضغط هنا

أ/عبدالواحد محمد
 

عار تعرية المصريين أمام العالم


اضغط هنا

ا/جورج فخري
 

الديموقراطيا سبيلي!

 

اضغط هنا

د/أبراهيم نتّو
 

آفة الثائر


اضغط هنا

أ/أميرة عبد الرحمن
 

الفريق ضاحى خلفان .. اغتيال المبحوح

 

اضغط هنا

رئيس التحرير
 
 

مساحة أعلانية

 

ضع أعلانك هنا

 

 
 

الاستاذ/ صلاح إدريس

كاتب حر ورجل أعمال

salahedris@gmail.com

السيرة الذاتية..أضغط هنا

 

يافيها .. يا اخفيها !!

 

السبت ، 12 مايو / أيار 2012 

 

غيّرت عنوان المقال فى آخر لحظة ، والعنوان الأول كــــان ( 25 مايو الأسود ) .. وبعدين قلت ياوَاد ليه بس تِسَوَّدْهَا فى وشُوش المصريين ، أكتر ماهى سُودة ؟ .. وبَدّلت العنوان لعنوان يمكن يكون أنسب للموضوع .

كلنا تابعنا حكاية حازم أبواسماعيل ،وكِذبِة أمه مش أمريكية ، واللى عمله أنصاره لما أُستبعد من سباق الرئاسة ، وطلعولنا بشعار للحملة ( لازم حازم ) .. وإضرابات ، ومظاهرات ، وأعتصامات ، ورفض صارخ للمادة 28 من الأعلان الدستورى ، اللى كانت السبب فى أستبعاد ابواسماعيل .. مع أن ــ سبحان الله ــ هم من أصرّوا على الأستفتاء بنعم ، وطبعا فاكرين معركة الصناديق ، وتلويحهم بمفاتيح الجنة والنار فى أياديهم ، واللى حايقول نعم للتعديلات حايدخل الجنة ، واللى حايقول لأ حايدخل النار.. كل ده وقت أن كانت الأمور فى صالحهم وعلى هواهم .. لكن لما بقت ضدهم أنقلبوا عليها وأتهموا اللجنة ، ووزارة الخارجية ، وأمريكا بالتزوير ، وأدعوا أن هناك مؤامرة كبرى بين العسكر ، ولجنة الأنتخابات ، وأمريكا ، وأسرائيل ، وزُحل ، والمريخ ، وبعض الكواكب الأخرى فى المؤامرة على أبواسماعيل لأستبعاده من الرئاسة ، لأنه جاى يحكم بشرع الله .. وأحنا كَفَرة ، وعايزين نتحكم بشرع الشيطان ــ والعياذ بالله ــ وتسببوا فى موقعة العباسية ، و أستشهاد عدد من الشباب من صفوفهم ، ومن قوى ثورية أخرى تعاطفت معاهم ، وأجبروا الجيش على أتخاذ موقف مغاير لمواقفه الهادئة نوعا ما .. وبعد ماكانوا بيهتفوا فى البداية الجيش والشعب إيد واحدة ، وقت تقابل المصالح .. دلوقت يصرخون ولَغَاليهُم طالعة ( يسقط حكم العسكر ) .. ( والجيش والشعب ميت حتة !!) على رأى النكتة السودانية المعروفة .

كُل اللي فات دَه بسَبب ( لازم حازم ) !! .. يانَهار أسود ومنيل .. ده لسه فيه (لازم مرسى ) .. (ولازم أبو الفتوح) .. (ولازم العوا ) .. (ولازم صباحى ) .. ولازم 13 مُرَشَح باقيين للدخول فى إنتخابات الرئاسة .. وطبعا لازم حايخرج منهم 12 مرشح ، وحاينجح مُرَشَح واحد بس !! إيه بقىَ اللي حَايحصَل ؟؟

أقولُكم .. محمد مرسى مُرَشَح الإخوان خَطب فى مُؤتمر جَماهيرى حَاشِد أنه شَاكِك أن الإنتخابات الرئاسية حاتِتزَوَر .. ولو أتزَوَرَت يبقىَ حانخرج للشوارع والميادين بالملايين .. وسَخّن الشعب المصرى كله ، مش أنصاره بس !! للخروج للميادين فى حالة تزوير الإنتخابات ...
ومُرَشَح تاني هو عبد المنعم أبو الفتوح برضه طلّ علينا فى مُؤتمر ضَخم ، مع مُناصِريه ، وقال : أنه لو حصل تزوير حاتقوم ثورة ثانية فى مصر من أقصاها لأدناها ..
وماحَدش يسألنى طيب همه عرفوا أن حايحصل تزوير أزاى ؟ وده سؤال سازج بصراحة .. لأن اللى معاه مفاتيح الجنة والنار سهل عليه قوى يعرف المُستقبل !! .. وبُكرَه يطلع علينا الباقيين يقولوا نفس الكلام .." لو حصل تزوير حاتولع مصر بحكامها وشعبها ".. والغريبة أنهم متأكدين أن مافيش تزوير ، ولو كان فيه تزوير كانت أتزورت الإنتخابات التشريعية ، اللي أكتسَحُوا فيها بأغلبية كبيرة ، أو حتى موقعة الصناديق اللى بيعترضوا عليها دلوقت بعد ماأكتشفوا أنها ضدهم .. ولكنهم خرجوا ليُهَددوا زى ماقال أخونا حازم ( لازم حازم ) .. وتسبب فى كل ماتعانيه مصر الآن ، لخروجه من سباق الرئاسة تنفيذاً لقانون كان هو وأنصاره أول من وافق عليه ، وطالبوا المصريين كلهم بالمُوافقة عليه..
ورؤساء مصر القادمين بيقولوا لو سَقطنا فى الإنتخابات فالوَيل والثبُور وعَظائم الأمُور، وحاتشوفوا حايحصل لكم إيه أيها الكَفَرَة الزنادِيق !!.

طيب ياأخوانا إذا كان أنصار مُرَشَح واحِد عَملوا فى البلد العمايل السُودة دِي .. أُمَّال أنصَار 13 مُرَشَح حايعملوا إيه ؟ ده حتى (13) رقم نَحْس !!

وماتِنسُوش حَاجَة مُهمة .. أنه تأكَد للجميع أن مصر فيها مِليشيات مُسلحة فى سيناء.. كلنا شُفنا أستعراضات القوة بتاعتهم على الفضائيات ، ولسه خاطفين عدد 10 ضباط من قوات الطوارىء الدولية فى سيناء ، ورجعوهم بعد أحتجازهم لمدة ساعة ، وطلبوا الإفراج عن كل المسجونين من أبناء سيناء ، ولولا تدخل كبار المَشايخ للإفراج عنهم كان زمَانهُم لِسَه مَخْطوفين ، ونفس الجماعات دي هىَ اللي فجَّرَت خَط الغاز لإسرائيل 14 مَرَّة .. وطبعاً لم يتم القبض على فرد واحِد من كل هذه العمليات . .

وقد بدأت المِليشيات أو الجماعات التكفيرية دى بالإنتشار فى مصر, وإشَاعات بتقول أن القاعِدة فى مصر ، وأنها تلعب من وراء السِتار ، يَعني القادِم أسْوَأ ياجماعة الخير .. فمَوعِد الإنتخابات يوم 23 و 24 مايو القادم .. ويوم 25 مايو هو الفَيْصَل .. عِرفتُم بَقىَ لِيه كُنت مُعَنوِن المَقال بإسم ( 25 مايـــــو الأســـود !!) .

الغيظ ، والحَسد ، والإعجاب مَلأ عِيُون المصريين .. وهم يتابعون يوم 6 مايو الحالى الإنتخابات الفرنسية بين ساركوزى بأقصى اليمين ، وأولاند بأقصى اليسار .. وبدأ التصويت الساعة 8 صباحا وأنتهى الساعة 5 مساءاً .. وتقدم للتصويت عدد 36 مليون ناخب من إجمالى 46 مليون فرنسى لهم حق الإنتخاب .. يعني حوالى 71% من عدد الناخبين .. وأعلنوا أن الساعة 8 فى مساء نفس اليوم ستظهر النتيجة .. وفى الثامنة بالثانية أُعلِنَت النتيجة بفوز فرانسوا أولاند اليسارى بنسبة 52 % فقط ، وخسارة ساركوزى اليمينى بنسبة 48% .. وفور إعلا ن النتيجة خرج سار كوزى وشكر مناصريه ، وأعلن هزيمته ، وتقدم بالتهنئة للرئيس الفائز ، مش بس كده ، لكن تانى يوم الأنتخابات دعى الرئيس ساركوزى منافسه الذى فاز والذى سيتسلم رئاسة فرنسا بعد 15 يوما .. دعاه إلى الأحتفال معه بيوم الجندى المجهول ، وتشاركا فى وضع أكليل الزهور على قبر الجندى المجهول ..وضربت فرنسا كالعَادة أروع الأمثلة فى الديمقراطية والحرية الحقيقية ...
وعايز أقول ملاحظة صغيرة قوى .. إن الفرنسيين مش مُسلمين ، وبعضهم ماعندوش دين أصلا .. يعنى كافر والعياذ بالله .. ومع ذلك شوفنا أخلاق رفيعة ، وروح صافية ، ورضاء بالمقسوم ، وثقة بالنفس .. وأكيد كلكم دلوقت أفتكرتم مُقولة الإمام محمد عبده بعد عودته من البعثة التي كانت بباريس ، لما قال :
((وجدت في اوروبا مسلمين بدون إسلام .. و وجدت فى وطني إسلام بدون مسلمين ))!!

ياترى يامصر حايحصل فيكي كده يوم 24 مايو ؟ وحانشوف رُوح رَاقِيَة ، ونِفوس رَاضيَة ، وحرص على مصر ؟ وتغليب مصلحة الوطن على المصالح الشخصية ، أو الحزبية الضيّقة ؟ ولا حانشوف أيام أسْوَد من قرْن الخَرُّوب ؟ بينى وبينكم أنا شايفها ومعَايا ملايين المصريين أنه طول ما تفكير المُرَشَحِين ، وأنانِيتهم ، وحُبهم لذاتهم بالشكل اللي شايفينه .. يبقى الخروب وسَواده هُمَ اللي حايكسبوا .. والدنيا حاتِضَلِم ضَلام أسود كُحل !! ومُش حانقدَر حتى نِشُوف بَعض ، والكُل حَايلطَّش فى الكُل!!

يارب خيّب ظنوننا ، وأهدى رجالنا .. وولي خيارنا .. فمصر تستحق الخير ، كل الخير ... ولو المُرَشَحِين دُول حايتسببوا فى أى كوارث لمصر ، وشعبها حالياً أو مستقبلاً .. ياريت يارب تاخدهم كلهم آخدِت العزيز المُقتدر ، وتخلصنا منهم ومن وشوشهم الِعكرة !! بس يارب تاخد منهم مَفاتِيح الجنة وتسيب لهم مَفاتِيح النار بَس !



صـــلاح إدريـــــــــس
salahedris@gmail.com

مدون بالبلــدى الفصيـــــح
تشريفكم لمدونتى يسعدنى .. ويمتعّكم ، وقد يفيدكم
http://plackprince.blogspot.com/

 

 

 

 

  الرجوع إلى الصفحة الرئيسية

ALmohager_ALyoum

 

ان اردت أن تكون قويا استعمل..

http://superfitnessxl.com

 
 
 
 
 
 

لكل طلباتكم العقارية اتصلوا ب هانى عازر

Call (310) 507-4077

 

 
 
 
 
 
 
 

بيروت تايمز

 

اخبار لبنان

والجالية العربية

فى

www.beiruttimes.com

 

مساحة أعلانية

 

ضع أعلانك هنا

 

 

 

 

Copyright  2009 Almohager ALmasry. All rights reserved.

Site Designed by Media Center